تاريخ التسجيل: 12/2010
المشاركات: 227
المواضيع: 25

خلااااااااااااااص.......زهقت واتخنقت بجد
ازيكم عاملين ايه
بصوا بقي بجد انا مخنوقه اوي


انا صبرت ع خطيبي كتير بس بجد المره دي مش قادره
بصوا انا من طبعي مبعرفش ازعل من حد
وخطيبي بيعمل فيا كتير وقليل
ومش بزعل منه

عشان بجد انا بحبه ومبعرفش ازعل منه او مكلموش
لما كان بيزعلني في حاجه ومجرد مايقوللي بحبك
او اي كلمة حب بصفاله وبنسي وكان محصلش حاجه
بيعمل حاجات كتيره تضايقني بس بقعداقول
انتي في احلي ايام ف حياتك اللي هي ايام الخطوبه
بلاش تخلي الايام دي نكد
وبكبر دماغي من حاجات كتيره
اي نعم ساعات اي حاجه بيعملها معايا بزعل اوي
بس ده ميمنعش اني برضه مجرد مابيقوللي اي كلمه بنسي
اللي عمله

بس المره دي بجد قولت لازم اعمل واقفه واخد موقف
لاني بجد تعبت وزهقت من طريقته معايا
كتير اوي بيحسسني اني مليش لزمه
زي الحركه اللي عملها معايا امبارح دي
وانا بعديها واقول عادي يابت
متعمليش من الحبه قبه
وعيشي اجمل ايامك

انا عارفه اني طولت عليكوا بس انا هخش ف الموضوع اهو
بس بجد كل واحده هتقرا الموضوع تحط نفسها مكاني
وتقوللي هتعمل ايه لوكانت مكاني

انا امبارح كنت بكلم خطيبي عادي زي اي يوم
هو متعود وهو مروح من الشغل بيكلمني لحد مايوصل البيت
وبعد كده بيقفل عشان ياكل وينا

انا بقي ساعات بقعد اهزر معاه واقوله لا مش هقفل وكده يعني بس بقعد اتكلم معاه شويه وبعد كده بقفل
وكنت بعت موضوع قبل كده ان هو قللي انه بضايق لما بقوله مش هقفل وانه قاللي ان لازم انا اكتر واحده احس بيه
واحس انه تعبان

المهم انتوا نصحتوني وانا اخدت بنايحكوا
وعملت بيها
ولما كان يقوللي انا وصلت البيت
كنت اقولله خلاص ياحبيبي اسيبك انا بقي عشان تاكل وتنام

المهم
امبارح كان رخم معايا اوي ف الكلام مع اني كنت عماله اناغشه واهزر معاه
فالمهم راح قاللي يلا بقي وقتك معيا انتهي
اقفلي عشان عاوز اكل وانا فانا عادي
مختش الكلمه بزعله لانه كتير بيهزر معايا بيها
بس التقيل جاي ورا

المهم انا كمان كنت بهزر معاه ورحت قولتله
لأه مش هقفل
ومعلومه احب اوضحهالكوا ان هو بيحب يسمع مني كلمه لا
لدرجة انه هو ساعات بيقعد يقوللي ع حاجات عشان اقوله لأه ويقعد يقوللي ايه ايه عشان يسمعها تاني

المهم
راح جاي قاللي لأه خلاص انا ممكن اقفل انا
بس هو مقفلش ياريته كان قفل كان دمي مش هيكون محروق الحرقه دي

هو راح ساب التليفون وسابني ع الخط
وقعد يتكلم مع اخته وقعد يهزر معاها
وقعد ياكل كمان وانا ده كله ع الخط
شوفتوا الغيظ اد ايه

وانا ده كله عماله اندهله واقوله يابا ياحبيبي
رد عليا واتريني رخيصه اوي وانا معرفش

رحت جيت قفلت ورنيت عليه تاني
قعدت ارن ارن وهو ولا هنا
بجد انا مخنوقه اوي وياريت تكونوا حاسين باللي جوايا

المهم قعدت ارن طول الليل وع فكره انا لما بكون زعلانه منه ف حاجه بتصل بيه عادي وعمري ماخدت منه موقف او خاصمته او مكلمتهوش ومع انه بيبقي حارق دمي

ورحت نمت
وبعد ماصحيت من شويه قعدت ارن برضه وهو برضه مردش
رحت بعتله مسج وقولتله فيها
شكرا ع الحركه الجامده اللي انت عملتها معايا امبارح دي
وانا لوكنت رخيصه اومليش لزمه بالنسبه ليك
فانا غاليه وليا لزمه عند ناس كتيره اوي
وع العموم انا مش هكلمك تاني لاني مش عاوزه اتكلم معاك ولا حتي اسمع صوتك
لاني زهقت وتعبت

انا بجد حاسه ان الدنيا بتلف بيا من حرقه الدم وان ضغطي وطي ووالله ماقادره اصلب طولي وجسمي كله سايب من حرقه الدم

بجد قولولي اعمل ايه

لوانتوا مكاني هتعملوا ايه

لو اتصل اكلمه ولا اسيبه كده كام يوم
انا عن نفسي بقول اسيبه قيمه اسبوع كده

لاني لو رديت عليه من اقل كلمه هيقولها
هسامحمه
وعادي وهيبقي كأن محصلش حاجه
وانا مش عاوزه الموضوع ده يعدي كده
انا لازم اعرفه قيمتي
واعرفه اني مش رخيصه
واني مش واحده من الشارع او واحده ماشي معاها
عشان يعمل معاها كده

بجد انا بكتبلكوا وانا دمعتي ع خدي
وجوايا خنقه مايعلم بيها الا ربنا

معلش اذا كنت طولت عليكوا ورخمت عليكوا بس بجد انا بعتبركوا اخواتي وانكوا اللي هتفهموني
ولاني مقدرش احكي اللي انا قولته ده لحد من عندي ف البيت
لاني مش عاوزه حد يدخل بيني وبينه
او حتي يعرف ايه اللي بيحصل بينا
او ايه مشاكلنا

وبتاسفلكوا مره تانيه



رابط الموضوع: خلااااااااااااااص.......زهقت واتخنقت بجد
من مواضيعي المميزة:
علاج السواد تحت الابط وبين الفخذين ونصائح هامه جدا في العناية بالبشرة
سلفتي عقربه وخايفه اتجوز بسببها في ركن المخطوبات
صالحت خطيبي امبارح....بس قاللي كلمه ضايقتني من نفسي اوي في ركن المخطوبات
لوعاوزه الشيطان بدل ماينيمك وقت الفجرهواللي يصحيكي اعملي اللي هقولك عليه في دردشة و مواضيع عامة
زعلت مع خطيبي ......بسبب عيد ميلادي في ركن المخطوبات
» العاب بسبوسه_جوجو
» وصفات الطبخ في مفضلة بسبوسه_جوجو

يارب البس الفستان الابيض وانا جمب حبيبي
(اللهم اجمع بيني وبين خطيبي ع خير عاجلا وليس اجلا)
(اللهم ارزقني منه بالذريه الصالحه عاجلا وليس اجلا)
(اللهم اجعل ايامنا كلها حب وسعاده وفرح)
(اللهم حببه فيا وحببني فيه)
(اللهم اهدينا لبعض)
(قولوا امين)


منقول

مشكوووووووورة على النقل

يسسسسسسسسسسسسسسسسسسسسسسسسسسسسسسسسسسسسسسسسسسلمو

اقتباس :