عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا او التسجيل ان لم تكن عضو وترغب في الانضمام الي اسرة المنتدي سنتشرف بتسجيلك شكرا ادارة المنتدي
منتدى وجوده
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا او التسجيل ان لم تكن عضو وترغب في الانضمام الي اسرة المنتدي سنتشرف بتسجيلك شكرا ادارة المنتدي
منتدى وجوده
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
موضوع: عصيده سهله بالتمر .... الإثنين 28 مارس 2011, 2:28 am
السلام عليكم ورحمة الله و بركاته حبيباتي
كيفكم ان شاء الله طيبين و بخير ,, ما احب المقدمات كثير علشان كذا يالله نبدا بسم الله :
عصيدة بالتمر ( تمر اخلاص الحسا من مزرعتنا ) ,, الله يجزاكم خير قولوا ما شاء الله تبارك الله ولاحول ولا قوة الا بالله حبيبات قلبي >>> فديتكم
هذي العصيدة سهله و تنفع ان شاء الله لمرضى السكر لكن بكمية قليله و ياحبذا جنبها قهوة عادية او قهوة شعير , و ان شاء الله انها ما ترفع السكر كثير خصوصا انه الاخلاص اقل انواع التمور سكر , و الكمية التمر اللي راح استخدمها قليلة و من دون اضافة اي سكر او محليات اخرى .. والقليل من الزبدة علشان الكليسترول ما يرتفع بعد
في البداية : ننزع النوى من التمر , و مثل ما احنا شايفين اخذت ربع من هذا الكيس يعني كمية بسيطة تكفي وزيادة علشان تخلي العصيدة حلوة و زيادة بعد ... و هذا الكيس كيلو واحد فقط .
بعد كذا نحط التمر المنزوع النوى في الخلاط , ونحط فوقه موية دافيه , مع هذي الكمية حطيت كامل الكاس حق الخلاط موية دافيه , عذرا نسيت اصور هذي الخطوة
نحط المزيج في قدر الضغط , و نشغل النار هادية عليه ,,
نضيف له فلفل اسود + زنجبيل مطحون + البعض يفضل بعض الاشياء مثل قرفه وما الى ذلك .. بس انا اكتفيت بالفلفل و الزنجبيل و مكعب صغير زبدة فقط ,,,
نخليهم دقيقتين نقلب فيهم ,, ثم نكون حامسين كمية قد كاسين من الدقيق البر , يعني بس تحمير بسيط ع النار ما ياخذ اكثر من 10 دقايق مع التحريك المستمر .. و بعد كذا نضيف الدقيق بشويش على القدر اللي فيه المكونات الباقيه و نقلب بشكل متواصل علشان ما يتكتل المزيج و يتكور الطحين ,,
بعد ما خلصنا من هذي الخطوة نسكر علية شويه , ونحط فيه ملعقة صغيرة سمن او زبدة ,, ونحركة شويتين
في النهاية نقدمة في صحون صغيرة او حافظة جنب القهوة ,, و يا سلام لو تقدمونه للشيبان , بيدعون لكم دعــــــــــوة حلوووة من القلب ,, و فيه الف عافيه ان شاء الله
في النهاية هذا صحن لكل من ترد ع الموضوع و تدعي دعوة حلووووة لي , و لكل من تضغط على ايقونة شكرا بعد >>>
ربي يعطيكم الف عافيه يالغاليات ,, دعواتكم لي باالشفاء والتوفيق و تيسير اموري و بحسن الخاتمة , ولا تنسون لكم بالمثل ان شاء الله
موضوع: عصيده سهله بالتمر .... 
الإثنين 28 مارس 2011, 2:28 am
